Print
In den beginneHolofaust

Ierlik waor gelaoge
Bekijk grote afbeelding


Ierlik waor gelaoge

Auteur: Helma Cremers
Prijs: €14.90


Stel een vraag over dit product

In zienen ierste verhaolebundel oet 2004 Met ’n hempelke zalt beschrief Helma Cremers (1950) de wilde jaore zestig as puber in Venlo. Umdet ‘t ‘ne verteller pur sang is geit ‘t gewoeën door; eigelik wieër truuk. In laevendig, sappig Venloos schildert het in Ierlik waor gelaoge! zien kindertied in ’t Venlo vanaaf de beginjaore vieftig wies aan de beginjaore zestig. Neet zoeëmaar herinneringe, maar pakkende verhaole met ‘n knipoug die idderein aanspraeke en metneme nao ‘ne tied dae hemelsbreid verschilt van noow. Helma Cremers-Schuts woort in 1950 in Venlo gebore als derde van de ach kinder die Hans en Mientje Schuts same krege. Mam zörgde veur de jónge en pap werkde in de wasserie die zien oma in 1909 in de Dwarsstraot had opgerich en zien vader in de vieftiger jaore achter eur woeënhoes op de Maagdenbergwaeg had laote bouwe. De wasserie en de Maagdenberg loupe as ‘ne roeëje draod door dit book. Ouk de femilie zelf, wao altied wal kemedie waar. Helma Cremers werkde wies 2013 as redacteur/journalis beej Tegelse Courant/’t Gazetje. Sins ‘n studie in 2007/2008 aan ’t Hoes van de Kunste in Remund, meug ’t beej culturele instellinge les gaeve in ’t schrieve van verhaole (www.schrijfpalet.nl). Vaerders teikent ’t laevesverhaole op in opdrach van oetgaeverie Story Terrace in Amsterdam. Ouk zit ’t in ‘n redaksie die de niesbreef verzörg veur ’t Hospice in Venlo.