Zittesj Woordebouk

Sjpelling van 't Zittesj in 't kort 1. De klinkesj De klinkerteikes zeen wie in 't Nederlands. Aevel, d'r zeen nog 'n paar apaarte teikes: de è: deze klank kump veur in weurd wie bèd, mès, (zich) oetrèkke; de ö: deze klank kump veur in weurd wie pöt, völle, gelök, sjtök; de ó: deze klank kump veur in weurd wie hóndj, móndj, bók (lèt op: neit ò, mer ó); de ae: deze klank kump veur in weurd wie kaetel, rae, sjtraeve; de ao: deze klank kump veur in weurd wie sjtraot, paort, haok; de äö: deze klank kump veur in weurd wie sjträötje, päörtje, päölke. Sjrief nooit ee, oo, uu, aa als dat vanoet 't Nederlands gezeen verkeerd is. Dus neit: vaader, mooder, kuuke, sjpeele, mer vader, moder, kuke, sjpele. 2. Bizunjer klanke Veurbeelde van Zittesje weurd bie meerklanke: eej, (ich) sneej ': (ik) sneed'; aej, (ich) traej: '(ik) treed'; ej, wejje, nej: 'waaien, gierig'; uuj, nuuj, luuj: 'nieuw, mensen'; euj, neuje: 'uitnodigen'; oew, moew: 'mouw'; aoj, (ich) braoj: '(ik) braad'; aw, kaw, awd, hawf: 'kou, kalf, half '. De tweeklanke kómme in =t algemein euverein mit die in =t Nederlands, mer keis in principe veur ou en neit veur au. Natuurlik waal es 't Nederlands 'au ' haet: paus. Dus: moud ('moed'), kous, houf ('hoef) en koum ('nauwelijks'). 3. Mitklinkesj De mitklinkesj zeen wie in 't Nederlandjs. =n Paar bizunjer gevalle zeen: de gk: dit teike kump veur in weurd wie rögke, ligke, zègke, mögke; lèt op: eine rök, ich zèk. de sj: dit teike kump veur in weurd wie sjoon, sjool, sjael, sjiene, sjnaps; de zj: dit teike kump veur in weurd wie zjwaak, zjwans, zjwaegel, zjweite. De 'j ' wurt in eine mitklinkergroep mer eine keer gesjreve, op 't ènj: blèndj, kèndj, kantj, landj 4. t of d op 't ènj van weurd Es 't woord in 't Nederlandjs op 't ènj 'n d haet, blif die in 't Zittesj bewaard, ouch es die d door 'n j gevolg wurt. Mer es 't Nederlandjs gein veurbeeld mit d is, dan altied 'n t sjrieve, want die klink dao. Dus: hóndj, landj, tandj, bèd naeve kat, rat, wèt. 5. 't Kort weurdje te De ónbeklemtoonde vórm van doe is te. Dat is 'n woord. Sjrief dat los van 't werkwoord. Dus: kieks te, kumps te, leets te, paks te, es te kumps, es te dat leets. 6. De oetgank lijk De oetgank lijk wurt gesjreve es lik. Dus: eindelik, muigelik, sjmakelik(e). 7. Internationaal weurd Internationaal weurd waere in 't Zittesj zo väöl muigelik in de internationaal sjpelling gesjreve, dus: telefoon, televisie, diskette, computer, chatte, sms e.